कम्युनिटी फुटबलमा नेपालले दक्षिण कोरियालाई हरायो: 'अर्को खेल फिलिपिन्ससँग हुने'

मेमसमाचार,
फाल्गुन २९, कतार। कतारमा जारी एसियन समुदायस्तरीय आप्रबासी फुटबल लिग अन्तर्गत भएको खेलमा नेपालले दक्षिण कोरियालाई हराएको छ।

कतारको अल-थुमामा स्थित  कतार फुटबल  एसोसियसन (क्युएफए) को प्रविधिक खेल मैदानमा शुक्रबार राती सम्पन्न खेलमा नेपालले जीत पारेको  हो । खेलको १२ औं मिनेटमा कोरियाले नेपालमाथि १ गोलको अग्रता  लिएको भएपनि त्यसको २ मिनेट मै  नेपालको लागि आकास महत्तोले गोल गर्दै खेललाई बराबरीमा ल्याएका थिए ।

खेलेको १७ मिनेटमा कोरियाले पेनाल्टी मार्फत २-१ को अग्रता लिंदै पहिलो हाल्फ सकिएपनि दोश्रो हाफको सुरुवातमै अमिर श्रेष्ठले मैदानको बीच भागबाटै प्रहार गरेको बलले कोरियन जाली चुमेपछि  खेल रोचक बन्न पुग्यो। ५१ औं मिनेटमा अर्जुन सुब्बाले र ७१ औं मिनेटमा प्रकास गिरीले गोल गर्दै नेपाललाई  ४-२ अन्तरले जीत  सहज भएको हो।

एसियन आप्रबासी लिग  चरण २०१६ को संस्करणमा नेपालको यो निरन्तर दोस्रो जीत हो। यसअघि नेपालले जापानलाई २-०ले पराजित गरी सकेको छ । भने अर्को खेल मार्च २४ मा फिलिपिन्ससँग हुदैछ।

एसियन समुदायविचको आप्रबासी लिग प्रतियोगितामा नेपाल लगायत  जोर्डन, लेबनान, भारत, सिंगापुर, चीन, थाइल्याण्ड, इण्डोनेसिया, श्रीलंका, फिलिपिन्स, कोरिया र जापानको सहभागीता रहेको छ। 

नेपाली फुटबल  टिमको २०१६ खेल संस्करणको लागि मुख्य प्रायोजक  सीटी एक्स्प्रेस रहेको छ।
(तस्वीर: होम कार्की)