मोर्चाका नेता दिल्लीमा, भारतीय सहसचिवद्वारा स्वागत

अाज स्वराजसँग डिनर मिटिङ, मोदीसँग भाेलि भेट्ने सम्भावना


मंसिर २०, २०७२- नेपालको राजनीतिक समस्यामा समाधान पहिल्याउन भारतको विदेश मन्त्रालयले आवश्यक परामर्शका लागि मधेसी मोर्चासम्बद्ध ४ जना नेता आइतबार दिल्ली पुगेका छन् । स्रोतका अनुसार, नेताहरुले सम्भवतस् प्रधानमन्त्री मोदीसँग भोलि भारतीय संसदमा हुने नेपाल बारे हुने बहसपछि भेट गर्नेछन् ।

मोर्चाका नेताहरु दिल्लीस्थित ताजमानसिंह होटलमा बसिरहेका छन् । उनीहरुलाई भारतीय विदेश मन्त्रालयका नेपाल मामला हेर्ने सहसचिव अभय ठाकुरले स्वागत गरेका थिए ।

मोर्चा नेताहरु उपेन्द्र यादव, महेन्द्र यादव, महन्थ ठाकुर र राजेन्द्र महतो आइतबार बिहान दिल्ली पुगे लगत्तै दिउँसो १२ बजे जनता दलका अध्यक्ष शरद यादवसँग भेटवार्ता गर्ने छन् । यस्तै ४ बजे कंग्रेस आईका नेता करन सिंहसँग छलफल गर्ने छन् । त्यस लगत्तै नेश्नलिष्ट कांग्रेसका नेता डिपी त्रिपाठीसँग भेटघाट गर्ने कार्यक्रम रहेको छ ।

मोर्चाका नेताहरुसँग विदेशमन्त्री शुष्मा स्वराजले बेलुकी साढे ७ बजे डिनर मिटिङ गर्ने छिन् ।

यस्तै नेताहरु अब्जर्भर रिसर्च फाउण्डेसनमा मांगलबार आयोजना हुने बहस कार्यक्रममा समेत भाग लिने छन् । जेएनयूमा पनि मंमगलबार मधेस सरोकार विद्यार्थी समुहले आयोजना गर्ने छलफल कार्यक्रममा समेत उनीहरुले सहभागीता जनाउने छन् । स्रोत:ईकान्तिपुर